За старт на учебната година првачињата добија подароци во Крушево

Во Општина Крушево денеска градоначалникот Христоски додели пакетчиња на првооделенците во ООУ „Никола Карев“ Крушево заедно со подрачните училишта, кои се обезбедени во соработка со една приватна компанија.
Подароците за првачињата за среќен почеток на новата учебна година содржат училиштен прибор неопходен за работа.
Инаку, во ООУ Никола Карев годинава образовниот процес го започнуваат 88 првачиња.
Директорката Оливера Чавкароска, напоменува дека бројот на првачињата бележи благ пораст, а што се однесува до условите за работа во централното и подрачните училишта, Чавкароска потенцира дека учениците ќе ја започната новата школска година во освежени, реновирани училници, а условите во континуитет се подобруваат.