Болниците во Прилеп и Битола кубурат со лекари

Болниците во Прилеп и Битола, евидентно е дека кубурат со лекари од сите можни специјалности и таму – нема што не е потребно. Владата донесе програма за наредните четири години, за тоа какви специјалисти и супспецијалисти се потребни во здравствените домови и во клиничките болници во Македонија.  Најалармантно е во болнците во Прилеп и Битола.

Како показател за оваа состојба се добиените специјализации за 2023 /2026 година.

Во Јавната здравствена установа „Доктор Трифун Пановски“ во Битола наредните четири години, од 2023 до 2026 година одобрени се дури 133 специјализации, а во прилепската болница “Борка Талески“ , 120 специјализации и супспецијализации.

Од 2023 до 2026 година во прилепската болница одобрени се 8 специјализации за анестезија со интензивна медицина, 6 за педијатрија, 4 за гинекологија, 3 за дерматовенерологија, 2 за ендокринологија, 9 за интерна медицина, 2 за инфектологија, 1 за кардиологија, 5 за неврологија, 1 за нефрологија, 1 за нефрологија, 8 за општа хирургија, 8 за ортопедија, 3 за психијатрија, 7 за радиологија итн. Во Прилеп одобрени се супспецијализации за неонатологија, дигестивна, уролошка и гинеколошка радиодијагностика, педијатриска нефрологија, кардиологија и пулмологија, ревматологија и кардиологија, како и за нефрологија.

Во битолската болница наредните четири години одобрени се 7 специјализации за анестезиологија со интензивна медицина, 8 за педијатрија, по 1 васкуларен хирург и гинеколог, 14 интернисти, 6 инфектолози, 4 кардиолози, 3 невролози, 4 неврохирурзи, 8 општи хирурзи, две специјализации за онкологија, 4 офтамолози, 5 психијатри, 6 ортопеди, 4 трауматолози, 8 специјализации за ургентна медицина, 6 за физикална медицина, 3 за патологија, две за судска медицина, 4 за уролошка хирургија и една за испитување на контрола на лекови. Супспецијализации во битолската болница се предвидени за трауматологија, дијабетологија, урогинекологија, пулмологија и алергологија и дигестивна хирургија.

Најголемиот дел од лекарите се веќе вработени во болниците, а кога ќе ја завршат специјализацијата се обврзани со договор да останат на работа во државното здравство. Со приватните специјализации е поинаку, односно докторот сам си ја плаќа специјализацијата, ама по завршувањето може да се вработи во приватна ординација или да замине да работи во странство односно не е обврзан да му служи на државниот здравствен систем.

Целиот ТЕКСТ:

https://www.slobodenpecat.mk/kje-vrie-od-specijalizacii-vo-bitola-i-prilep-bolnicite-kje-se-podnovat-so-novi-kadri-zashto-nema-shto-nemaat/