Граѓаните со стар пасош во странство ќе се враќаат во Македонија со патен лист

Граѓаните кои што се затекнати во странство по 12 февруари, а се со стари патни исправи,  ќе можат да се вратат во државава со патен лист кој се издава во дипломатско-конзуларните претставништва, информира шефот на дипломатијата Бујар Османи.

Дипломатско конзуларните претставништва ќе работеле во две смени и сабота и недела. Најголем наплив за барања на патни листови имало во Германија.

-Таму има и две нови мобилни станици за издавање патни исправи. Најголем е напливот во Бон, каде се издадени над 6000 патни листови. Потоа во Берн, Берлин, Минхен, Венеција, Рим и Љубљана, рече Османи.

Планирани биле пунктови за помош на меѓународните аеродроми. Најмногу работа имало во Бон, каде што имало 8.300 апликации за нови пасоши, а досега се изработиле 6.000.

Османи кажа дека во државите каде немаме ДКП-а, односно во Африка каде што има само во Каиро, се работи на е-конзулат и патните листови ќе бидат праќани по пошта.

На 12 февруари истекува транзициониот рок од Преспанскиот договор.

Извор: Макфакс