Здружението Преродба во хуманитарна акција за Марко

Здружението Преродба вечерва организира хуманитарен концерт во Центарот за култура Марко Цепенков со почеток од 17 и 30 часот. Собраните средства се наменети за помош во лекувањето на малиот две и пол годишен Марко Мицески,  на кога му е потребно лекување во Турција со матични клетки,  оперативен зафат која чини 60 иллјади евра. На концертот ќе настапат естрадни уметници и хуманисти од цела Македонија:  пејачката група од здружението Преродба, Новогодишните снегулки – танцова група од прилепските детски градинки Наша иднина, вокалната пејачка група Ѓердан од Штип, пејачката група Нико Пусовски од Штип, пејачката група на пензионери од Македонски брод, КУД Пензионери Прилеп, пејачка група Распеани Кичевчани,  Тони Оцески од Велес, КУД Моминок од Прилеп и Алексо Тришкоски од Кичево.

Картите се по цена од 100 денари.

Ова е втор хуманитарен концерт на Здружението Преродба оваа година, организација, која само потврдува дека не е само чувар на традицијата, туку дека е заснована на длабоко хуманистички корени.