ДВА ГОЛА, ЧЕТИРИ СТАТИВИ И ЦРВЕН КАРТОН ВО ПРИЛЕП-ПРЕД 2000 ГЛЕДАЧИ, БИТКА КАКО ЗА ПЕХАР

Предмалку прилепска Победа и скопски Вардар одиграа 1:1 на отварањето на на реновираниот Градски стадион „Гоце Делчев“ во Прилеп. Беше пријателски меч, а борбен како да се игра за пехар, за титулата. На битка мотивираше амбиентот од близу 2000 гледачи.

Доделени беа многу жолти картони, црвен за гостинскиот голман Стојкоски. Домашните погодија 4 стативи (Карчески, Анѓелески и двапати Б. Спиркоски) и тоа е причината што не победија. Вардар поведе преку Стојковски во 31 минута, израмни од слободен удар Анѓелески во 35 минута.

Но, дали мечот се прекина или заврши? На минута-две до крајот имаше расправија долу на теренот во која беа вклучени повеќемина од гостинскиот и од домашниот табор. Нервозата бргу се пренесе на трибината од каде имаше бурна реакција. Гостите одлучија да го напуштат теренот и не е докрај јасно дали имаше прекин или тука сепак беше крајот на мечот. Следен меч на Победа е в сабота, со Охрид.