За Прилеп годинава нема средства за капитални проекти за култура

Од вкупно 15 пристигнати проекти од 13 општини, Министерството за култура ги поддржа капиталните проекти од областа на културата во единаесет општини.  На објавениот оглас за распределба на капиталните дотации во областа на културата за 2024 година,  средства беа доделени за 11 проекти.

Оваа години ќе бидат поддржани општините: Битола, Крушево, Кривогаштани, Велес, Чашка, Дојран, Демир Капија, Богданци, Маврово и Ростуше, Делчево и Чучер Сандево.

Годинва е обезбеден и поголем буџет за оваа намена, 50 милиони денари, со кој единиците на локалната самоуправа ќе реализираат значајни инфраструктурни проекти, преку кои ќе се подобрат условите за остварување на културата во различни региони.

Планирањето, обезбедувањето и реализацијата на финансиските средства за капитални дотации во областа на културата за единиците на локалната самоуправа, Министерството за култура ги спроведува во согласност со програмските и стратегиските определби на Владата во насока на поттикнување и спроведување рамномерен регионален културен развој, соопштуваат од Министерството за култура.