ПРИЛЕПЧАНИ ПОРАЗЕНИ ОД ПЕНАЛ ВО СТРУГА

Драматичен натпревар беше меѓу Струга и Прилеп во 18. коло на машката ракометна Супер лига. Главно беше рамноправна игра, па одлучуваа нијанси. Така, на полувремето водеа домашните со 12:10, меѓутоа во последната минута се влезе со 21:21. Стружаните од својот последен напад изнудија пенал, кој претворен во гол произезе дека значи триумф од 22:21. Прилепчаните имаа малку до време крајот, недоволно за да израмнат. Така, натпреварот го доби Струга и се искачи на 9. место од табелата, каде досега беше Прилеп.

Следното коло е в среда кога Прилеп дома игра со шампионот Вардар, а Струга е гостин на Еурофарм Пелистер 2 во Битола.