УШТЕ ЕДЕН МАКЕДОНЕЦ СЕ БОРИ ЗА МЕДАЛ ВО ТОКИО

Теквондистот Дејан Георгиевски може да не биде единствениот Македонец со освоен медал на Олимпијадата во Токио, бидејќи нашиот сонародник Влатко Андоновски е блиску до медал. Тој како селектор на Женската фудбалска репрезентација на САД се пласира во полуфиналето, откако предмалку на пенали (регуларно 2:2) успеа да ја елиминира Холандија.

Во полуфиналето ривал е Канада, а во второто полуфинале се среќаваат Шведска и Австралија. Четириесетичетиригодишниот скопјанец пред две години ја презеде улогата селектор на репрезентација на САД , која е актуелен светски шампион.

А,пак, од најдобрите македонски спортисти-Олимпијци следни во Токио се натпреваруваат: Јован Стојоски во атлетика, 400 метри на 01.08.2021 во 03:45. Нашата каратиска, прилепчанката, Пулексенија Јованоска ,пак, во Карате ката насташува на 05.08.2021 во 03:00 ч. и последен Олимпијец е Магомедгаџи Нуров во борење 97кг на 06.08.2021 г.