При акциска контрола во Прилеп, приведени пет лица, 13 санкционирани возачи

Акциските контроли на министерството за внатрешни работи продолжуваат во Прилеп. Изминатата ноќ биле приведени пет лица и биле санкционирани 13 возачи, стои во соопштението од  СВР Битола: 

Во текот на изминатата вечер (10/11.08.2022), од страна на патролни тимови составени од полициски службеници од Одделот за униформирана полиција, Единицата за брзо распоредување, Посебната единица за поддршка, Единицата за интервентна полиција и Надворешната канцеларија за криминалистички работи Прилеп беа спроведени контроли на лица и патнички возила на подрачјето на Прилеп.
За време на контролите пет лица се лишени од слобода, од кои кај едно лице била пронајдена марихуана, три лица поради нарушување на јавниот ред и мир, а кај едно лице биле пронајдени шишиња со бензин во автомобилот што го управувал и истите биле сопственост на лицата кој го нарушиле јавниот ред и мир.