СТОЈАТ 90 МИНУТИ И УЖИВААТ ВО ГОЛОВИТЕ!

За тие што најмногу го сакаат фудбалот не постојат никакви пречки. Околу теренот со вештачка трева во Прилеп нема трибина, нема место за седење, но гледачите 90 минути издржуваат и со стоење (поединци потседнуваат на седиште од мотор или велосипед). Така и попладнево околу 50 фудбалски љубители го изгледаа натпреварот од 23. коло на Третата лига – Југ меѓу Динамо од Мажучиште и Росоман. Беше добар фудбал, паднаа пет гола, победија гостите со 3:2. Стрелци: Мартин Мечев во 6. и 43. минута за Динамо, а Игор Ѓорѓиев во 25. и 88.,  Стеван Менковиќ во 28. минута за Росоман.